Transcription
1
Reçue à Grenoble, le 31 janvier 1573.
2
Monsieur, sen allant ce pourteur à Grenoble pour mes affères,
3
je nay pas volu faillir vous escripre ceste lettre pour
4
vous prier me departir de voz nouvelles. Et quant
5
aux miennes, javoys grand envye de negotier avecques
6
les huguenots de Viverès ce que me mandastes dernierement
7
par une lettre que j’euz de vous. Ce que jeusse
8
peu fère, et ne pensoys poinct quilz fussent si aysés
9
à ramadouer, car au paravant que men escripvissiés, ilz men
10
avoient desja faict parler, et me mandarent si je leur
11
vouloys donner assurance signée de ma main que le roy leur
12
donrroyt une sauvegarde. Et que sur la promesse que
13
je leur feroys, ilz se retireroient tous en leur maison et
14
mectroient leurs armes bas, et vouloient que la sauvegarde
15
fust pour troys ou quatre cens des plus apparens. Là dessus
16
est intervenu une grand dispute sur le faict du gouvernement
17
du Hault Viveroys et de Velay entre sept ou huict
18
gentilzhommes qui pretendent audit gouvernement. Voyant
19
toutes ces disputes et que je suys assés mal
20
recogneu de monsieur le mareschal Dampville
21
et de la court comme vous scavés, jay laissé
22
tout cela, et me suys retiré icy, ne me voulant
23
plus empescher que de mon mesnage et me
24
presenter à fère service à mes bons amys comme
25
vous et aultres comme jen ay. Et en ceste mesme
26
volunté, je vous prieray me donner part
27
[130 v°] à votre souvenance et bonne grace, supliant Dieu qui vous
28
mainctienne,
29
Monsieur, en parfaicte santé, très longue et heureuse vie
30
de St Chamond ce XXIX janvyer 1573.
31
Votre très humble et plus affectioné à vous
32
faire service
33
St Chamond